Ivy-Anne Bryson

representing the ‘Bernadina Growell-Kock Foundation’

Ivy-Anne Bryson is ‘Aruba’s Lill Cultural Girl’ representing the ‘Bernadina Growell-Kock Foundation’. Ivy-Anne is a very artistically gifted young girl. Her family encourages and supports her a lot involving her in all kind of artistic activities.

Entrada (show):
musica instrumental y zonido di parha y ta cuminsa papia.
Ivy; “Canando den beyesa di nos naturalesa na Rooi Master, apreciando nos flora y fauna, cual ta unico, pa mi por haya mas inspiracion y por sigui pinta mi cuadronan. Mi a cuminsa canta un cancion di nos tata di cultura sr. Padú Lampe. Cuminsa canta un cancion cu mi ta encanta:
Cu henter mi alma, cu henter mi bida.
T’sina mi ta stuma. Y t’abo bo sa mi’a stima.
Direpiente mi a tende un voz resona, e tabata manera un voz angelical. Y m’a reconoce e voz, e tabata e voz di nos mama di cultura, sra. Bernadina Growell-Kock”.
(Keda para keto gevries. E catica di Rooi Master ta toca. )
Ivy aki ta haci expreshon: “Pa chikitin cu mi ta, mi curpa a grima (mustra bo man), mi a haya mas sentimento. Pa mi historia y tradicion, mi idioma, nos cultura. E sentimento aki!! Hamas mi por lubida”.
(Keda star. E muchanan a jega ta admira e pinturanan)
muchanan; “Hey, ta kico a pasabo?”
Ivy; “Mi ta bai comparti cu boso”.
Lucas; “Ken su gay esaki ta?”
Ivy; “E gay aki ta refleha Fiesta di San Juan, un fiesta tradicional. Antes den siglo pasa y prome San Juan ta wordo celebra dia 27 di Juni. Despues calendar a cambia pa 24 di Juni.”
Lucas; “Si, nan ta coba un buraco di 7 duim diametro y un pia hundo. Y varios totoma ta wordo corta. Y un bon manal di palo di maishi pa kibra e totoma y pa mata e gay.
Ivy; “Y pa esnan cu no sa kico ta un totma, esaki ta un calbas.”
Lucas; “Naturalmente.”
Ivy: “E pintura aki ta parti di nos flora y fauna.”
tur; “Si si, nos Kibrahacha, Fofoti, Loki-loki, y hopi mas.”
Eden; “Y Watapana.”
(Zonido di parha cu ta pasa bay.)
tur mucha ta grita; “Wak’e prikichi, gonzalito, trupial, alablanca.”
Ivy; “Tur loke boso a menciona mi tin pinta aki riba. Y e pinturanan aki ta sali for di profundo di mi curazon. Pa nos tur proteha nos flora y fauna. Boso ta bisti bunita.”
muchanan; “Esaki ta nos trahe di chikitin, pa e pareha cultural. Biba nos cultura.”
Eden; “ Ban wak con inteligente bo ta. Ki anja tabata e prome scol na Aruba?”
Ivy; “Te asina lew cu mi a investiga, ta na anja 1830, scol di pader Serafin.”
Lucas; “Y e prome Obispo?”
Ivy; “E prome Obispo arubiano tabata Antonio L. van der Veen Zeppenveldt. Di anja 1949 te cu 1956.”
Kim; “Y desde ki anja nos capital a haya su nomber?”
Ivy; “Kico boso ta kere? Cu ta bobo mi ta? Hahaha, cu mi no conoce historia?”
Lucas; “Nos no ta papiando di bobo, sino inteligencia.”
Ivy; “Nos capital di Aruba jama Oranjestad y e nomber ta existi di 1824. Prome cu 1824 e tabata jama Paardenbaai. Y pa bo sa e prome capital di Aruba tabata Savaneta, prome e tabata jama Commandeursbaai.”
muchanan (bati man); “Waw, bo ta cla cu bo mensahe na Papiamento?”
Ivy; “Mi mensahe ta den mente y bo curazon.”

Ivy-Anne su mensahe:

“Papiamento ta nos idioma, nos derecho. Papiamento ta nos idioma, materna, Fundacion lanta Papiamento a celebra 11 anja oficialmente e anja aki e anja aki 10 anja di excistencia di e fundacion. Pesey ban papi’e y ban scirbi’e y dun’e su balor. Aprecia nos cultura. Cargue den bo plant’i man! Proteha nos flora, fauna y folklor. Balora nos historia y nos herencia! Y anos como mucha, protheha nos pa es motibo aki. Ta importante pa sa kico ta abuso di menor. Ta ora un mayor, cuidador, famia of amistad ta haci maltrato na e menor. Dor di negligencia, abuso fysico, abuso sexual, abuso emocional of explotacion. Pesei mi mensahe ta pa henter Aruba juda protehay respeta tur mucha y no trata di danja nos mundo di mucha. Ban bisa ‘NO’ y conta bo mayornan.
di biaha cd di Vicente; “Ban bisa no. Biba nos Aruba y su cultura! Boso cakinja Ivy-Anne.”