Giannine Wester-Orman

representing the Bernadina Growell-Kock Foundation

Giannine Wester-Orman is ‘Aruba’s Cultural Lady 2019 representing the Bernadina Growell-Kock Foundation.

entrada (show):
Jaco; “Ay Catharina a cay pami caba. Kico su mama ta kere! Mi ta homber di principio, trahado, labado di tres burico pa siman. Principalmente ora di bruid, burico mester ta limpi limpi pa carga bruid. Mi amor ta pa mi Catharina y pa mi cultura. Mi ta homber shapido, plantado.
Pero e bisinjanan a wak nos man teni, ohmbo … ayayay. Aki rabo di porco ta crul.
Ay, ta mi ta Jaco. Jacobitus Hermenegildo Estanislau Geerman, banjado di burico.”
Mama; “Cathrarina, Catharina, bin atende un asunto aki. Mala lenganan a laga sa cu bo ta para cu Jaco man teni na trankera. Ta kico esey? Aki tin ordo y disciplina. Bo mes conoce e bisinja nobo. Mi ta bin manera mama Celestina na bok’i fierno. Tene cuidow, ta apenas 34 bo tin. Bin bati pan di maishi rabo, mi tin flakesa”
Catharina; “He ma, mi ta bin paden. Ta carson siyo di Padu so falta pa habri riba trankera. Cende e fogon ma, mi ta bin bati e pan.”
pepe; “Bondia, bontardi, bonochi, Coma, ki tin di berdad cu nan ta jama Catharina anaconda?? Anaconda ta un colebra, Coma, esey si, no aspeta, no aspeta. Mester bay kehanan na autoridad. E palabra ta semehante, ta palabra pa kibra smul.
(Catharina ta hari bay off)
Catharina; “No Pepe, e palabra ta antropologo, si antropologo. Esey ta ora bo ta studia origen di custumbernan di nos pais. Esaki mi ta haciendo. Por ehempel: antes no ta tin dam! Sino tanki y poz. Poz di San Fuego, e awa ta brak, poz di Macamela, awa dushi, poz di Tonshi na Santa Martha, awa dushi. Tin diferente poz di awa brak y dushi. Banda di e poz ta coba un hoyo. Por ehempel, lagami bati un pan di maishi rabo. E famoso ‘pan bati’ mes a ser bastardiza y su nomber ruina pa hendenan cu no conoce e materia. Su nomber ta ‘pan casuela’. Tin pan di beton tambe. Esey ta puro maishi rabo so. E mes un mansa basha delega jama ‘arepa’. No confundi cu arepa di otro pais. Nos cachapa ta prepara cu harinja di maishi grandi berde of seco. Y sin lubida nos reskoek di harinja blanco so.
Na 1914 nos maishi rabo a hera caba na Aruba. Gobierno a manda busca maishi rabo for di Boneiro. E tapushi ta poco mas chikito pero jen.
Na Boca Cruz tabata saca calki licht roos. Janshi Gomez tabata biba pa hopi anja aki. E ta e unico persona cu tabata saca calki licht roos.
E palabra cunuco cu nan ta deriva di e palabra indjan ‘Konuko’ kiermen ‘tera pa cultiva’.
Di anja 1917 te cu 1922, 4072 arubiano a emigra pa Cuba, bay corta canja. Y tabatin algun hende muher a bay traha sombre di cabana na Cuba pero hopi despues.
Nos tabat’in diferente curioso of curandero. Halado conoci na San Nicolas tabata Mo Pedro Bricenjo. Frumon, esey ta partera. Ken no a jega di tende e nomber di Ma Mona, Ma Fila, Shon Betsy y algun mas, tur ta parti di nos custumbernan, parti di nos cultura.
Na 1927 zuster Bryson tabata e prome partera cu su papelnan, un zuster robusto. E tabata core un scooter y tabata biba patras di Julianaschool. E tabata bisinja di famia Frigerio y famia Spritzer & Fhurman.
Cultura ta aw’i bida di un pais. Cultura di un pais no ta solamente e norma y balornan transmiti atravez di nos actitud pero tur locual artisticamente y intelectualmente nos ta produci. E porta un baile, obra teartral, poesia


Giannine encuanto su trahe:
Colgando panja den cashi di Pancracia, mi a bin namora na e modelo aki.
Y no e modelo so, e color tambe. Cu a cuadra cu mi color.
Pero n mes momento, mi a sinti cu e shimis tin algo special cu’ne.

Jamando Pancracia pa pid’e permiso pa haci uso di e modelo aki. Ta cu masha fanfaria y etiketa e ta
bisami cu e bistir aki ta recuerdo di dia cu mi el a verloof cu Aniceto, su casa di 38 anja a pasa. E tempo ey mi no a ni nace ainda.
E tela ta catuna, bloki bloki grandi cu su manga ola y su canchi pa haci’e mas bunita.
Danki Pancracia, cu mi por a luci cu bo modelo riba un anochi especial.