Eydilienne Nicolaas

representing the ‘Bernadina Growel-Kock Foundation’

Edylienne Nicolaas is ‘Aruba’s Young Cultural Lady 2019’ representing the ‘Bernadina Growel-Kock Foundation’.

Entrada (show):
Edylienne; “Mos co mucha hungando ‘luna cu solo’, ‘pele’, chinani cane’, ‘funchi cu lechi’ (harimento sin fin). Direpiente a pasa un wara-wara grandi y mi a corda mi sonjo di ayera nochi. Ami ta bay sconde, mi tin miedo di warawara. Desde ariba casi den shelo mi tabat’in e honor di wak e bunitesa di mi pais. Y mi ta haya mi ta canta: ‘Bula halto warawara’.
otro; “Bunita cancion, pabien. Mi ta orguyoso di bo. Asina bo tambe ta contribui na nis folklor, cu ta encera mucho mas cu musica, canto, poesia etc.”
Edylienna; “No lubida nos fauna y flora, cu mester cuida nan. Nos bon custumbernan y anos como mucha mester sinja cuida, respeta y elogia tur locual ta di nos dushi Aruba. Ta herencia nan ta laga atras pa nos. Y segun cu nos ta creciendo e amor, sintimento, respet y aprecio ta crece den nos curazon.
Ay, mi a mira un totolica bula aya. Ki bunita di mira tur su movicion. Nos totolica, nomber escohi for di idiona indjan y na nos dushi Papiamento bo a keda totolica tan stima.”
otro; “Hey, bo ta papia bo so, ta loco bo ta?”
Edylienne; “Loco mi ta bira ora hende no ta respeta nos cultura.”
otro; “Hopi bon, hopibon. Bo mensahe ta cla y raspa. Pa chikito cu bo ta, bo ta planta respet.”
Edylienne; “Un tiki di nos historia. California na Noord, caminda e faro ta situa, tabata jama Hudishibana. Dia 23 di September, 1891 un tanker a naufraga na e costa bruto aki. E barco tabata jama ‘California. Pesey e nomber a cambia. Pa motibo cu polis mester a bin for di Korsou pa investigacion y anan tabata jama e sitio California. Pasobra nan no tabata sa cu ta e barco jama California.
Den epoca 1750 hendenan di Noord tabata rico akinan na Aruba. Un di nan sra. Maria Tromp tabata un di e riconan. Mi por conta o mas historia Un tempo Aruba tabata conoce 4 districto so, Playa, Noord, Sta. Cruz, Savaneta. San Nicolas tabata pertenece na districto4, Savaneta. Ta despues gobierno a cambi’e, parti’e den diferente districto y bario.
Dia cu e Spanjonan a jega Aruba, nan a bin busca palo di Kibrahacha pa nan por traha kinichi y timon pa nan booto di bela. Pero nan no a haya palo di Kibrahacha na Savaneta. E prome lugar cu nan a subi tera tabata Savaneta, mescos cu e indjannan y asina a habri un caminda di Savaneta pa Sta. Cruz. Na Sta. Cruz si nan a haya Kibrahacha.”
otro; “Mi por ripara cu bo tin gran amor pa nos cultura y su fauna, folklore y su historia.”
Edylienne, “Esey ta nos grandesa. Ami ta gusta scucha historia di nos pais. Ken ta nos famia, nos generacion, con e hendenan a biba antes. Conoce historia di bo indentidad.
Oh Aruba dushi tera, cu bo hendenan ta aprecia, stima y respeta. Mi ta cla pa cantabo 18 di Mart y tur ora.Pesey mi ta sintimi mescos cu nos mama di cultura den feliz memoria. Braza, stima nos cultura y mantene respet pa otro y pa mi por cera mi capitulo. Mi ta bay canta ‘Pilar’ y mas mi mensahe

Edylienne encuanto su trahe: “Mi trahe ta un modelo di anja ’40. Cual mi machi grandi a luci cu n’ele tempo di su tempo. Masha orguyoso mi ta cu awe mi por luci cu e modelo aki. E tela roos ta un color suave, trankil manera mi persona. E tela ta catuna floria. Ta pa mi enfoca riba nos flora y fauna. Cu mi blusa manga largo cu su plooi chikito y canchi.Cu mi saya hancho mi a keda cla. Cu ayudo di sra. Flora Wernet, mi costurera.”